psychology

கற்பித்தல் மற்றும் கற்றல்

1. கற்பித்தலும் கற்றலும்
2. கட்டுக்கோப்பு-திறனாளர் கொள்கை
3. செய்முறைக் கற்றல் கொள்கை சி.ரோஜெர்ஸ்
4. பகுத்துணர்ந்து கற்றல் எவ்வாறு நிகழ்கிறது?

          i.     கற்பித்தல் மற்றும் கற்றல் வழிமுறைகள்

          ii.     பல்வேறு வயது உடைய மாணவர்கள் கொண்ட வகுப்பில் கற்பித்தல்

          கற்கும் முறைகள் என்ன?

கற்பித்தலும் கற்றலும்

கற்பித்தலும் கற்றலும் பல்வேறு காரணிகளை உள்ளடக்கிய ஒரு நிகழ்வாகும். இக்காரணிகள் கற்பவர் தன் இலக்கு நோக்கி செல்லும் போதும், விஷயங்களைத் தெரிந்துகொள்ளும்போதும், பழக்கவழக்கங்கள், கல்வி கற்றல் மூலம் அடையும் திறன்கள் முதலியவற்றில் ஒன்றுக்கொன்று தொடர்புடையதாக அமைந்துள்ளது.

கடந்த நூற்றாண்டுகளில் கல்வி பற்றி பல்வேறு வித பார்வைகள் இருந்தன. கல்வி என்பது அறிவு சார்ந்தது (கற்றல் மூளையின் செயல்திறனால் நிகழ்கிறது) அல்லது கல்வி வளர்ச்சி சார்ந்தது (கற்கும் அனுபவத்தால் அறிவு ஏற்படுகிறது) என்ற இருவேறு வித பார்வைகள் இருந்தது. இவ்விரு கொள்கைகளை பிரித்துப் பார்க்காமல் ஒன்றிணைத்து பார்த்தோமானால் கற்றல் முறையில் பல்வேறு வாய்ப்புகள் இருப்பதை உணரலாம். இவற்றை ஒருங்கிணைக்கும் போது பல்வேறு பிற காரணிகளையும் நாம் கருத்தில் கொள்ள வேண்டும். அவற்றில் சில - அறிவுத்திறன், கற்கும் முறை, பலதரப்பட்ட தனித்திறன்கள், சிறப்பு தேவை உள்ளவர்கள் மற்றும் பல்வேறு கலாச்சார பின்னணி கொண்டவர்களின் கல்வி கற்கும் முறை.

கட்டுக்கோப்பு-திறனாளர் கொள்கை

கட்டுக்கோப்புத்திறன் கொள்கையில் மாணவர்கள் தாங்கள் ஏற்கனவே பெற்ற கல்வி, கருத்துகள் மற்றும் திறன்களை அடிப்படையாகக் கொண்டு கல்வி முறை அமைகிறது.  தாங்கள் ஏற்கனவே அறிந்தவைகளோடு  புதிய தகவல்களையும் சேர்த்து புதிய புரிதல்களை உருவாக்குகிறார்கள்.

இந்த முறையில் கற்பிக்கும் ஆசிரியர் மாணவர்களுக்கு பயிற்சிகளைக் கொடுக்கிறார். அதனை எவ்வாறு அணுகுகிறார்கள் என்பதை கவனித்து தக்க ஆலோசனை வழங்கி புதிய முறைகளில் சிந்திக்கத் தூண்டுகிறார். எளிய தகவல்களைச் சொல்லி அதில் மாணவர்களின் எண்ணங்கள் தூண்டப்படும் இம்முறையில் கல்வி அறிவு சிறிது சிறிதாக அதிகரிக்கப்படுகிறது.  வயது முதிர்ந்தோர் உள்ளிட்ட அனைத்துத் தரப்பினர்க்கும் இம்முறை ஏற்றதாகும்.

கண்ணோட்டம்

ப்ரூனரின் கோட்பாடுகளின்படி கற்றல் என்பது ஒரு சுறுசுறுப்பான நிகழ்வு. மாணவர்கள் தான் ஏற்கனவே கற்றுக்கொண்டவைகளில் இருந்து புதிய விஷயங்களைத் தெரிந்து கொள்கின்றனர் என்பது தான் இக்கொள்கையின் சாராம்சம். கொடுக்கப்பட்ட தகவலை அலசி,ஆராய்ந்து, கோட்பாடுகளை உருவாக்கி அறிவுசார் முடிவுகளை மாணவர்கள் எடுக்கின்றனர். தகவலின் அர்த்தம் புரிந்து அதை வகைப்படுத்துகின்றனர். இது கொடுக்கப்பட்ட தகவலுக்கு அடுத்த நிலையை சிந்திக்க வாய்ப்பளிக்கிறது.

பயிற்று முறையைப்  பொறுத்தவரையில் மாணவர்கள் அவர்களாகவே கொள்கைகளைக் கண்டுபிடிக்கும்படி பயிற்சியாளர்  ஊக்கப்படுத்த வேண்டும். இருவரும் ஆக்கப்பூர்வ உரையாடல்களில் அதிகம் ஈடுபடவேண்டும்

இங்கு ஆசிரியரின் பணி என்பது  பாடங்களை மாணவர்கள் எளிதில் புரிந்து கொள்ளும் படி மாற்றம் செய்வதுதான். பாடத்திட்டம் ஒரு சுருள் போல் அமைக்கப்பட்டிருக்க வேண்டும். இதன் மூலம் மாணவர்கள் தாங்கள் ஏற்கனவே கற்றுக்கொண்டவைகளிலிருந்து புதியவற்றை அறிவார்கள்.

பயிற்று முறை கீழ்கண்ட நான்கு கூறுகளை அடிப்படையாகக் கொண்டிருக்க வேண்டும்.:

(1) கற்றல் முறை பற்றிய பார்வை.
(2) பாடத்திட்டம் எளிதில் புரியும் வண்ணம் அமைந்திருக்க வேண்டும்.,
(3) எந்த வரிசையில் கொடுத்தால் மாணவர்களுக்கு எளிதில் விளங்கும் என்பதை அறிதல்
(4) பாராட்டுதல்கள் & தண்டனைகளின் தன்மை மற்றும் அவற்றிற்கிடையேயான கால இடைவெளி.

எளிமை, புதிய கோணத்தில் வழங்குதல் அதிக தகவல்களை உள்ளடக்குதல் முதலியவை மூலம் கல்வியறிவை வழங்குதலில் புதிய வழிமுறைகள் காணப்பட வேண்டும்.

கற்றல் முறைகளில் சமூக மற்றும் கலாச்சாரத்தின் தாக்கத்தைப் பற்றி தன் சமீபத்திய நூல்களில் (1986,1990,1996) ப்ரூனர் குறிப்பிடுகிறார்.

பயன்பாடு

ப்ரூனரின் இந்த பயிற்று முறைக்கான கோட்பாடு தனிமனித அறிவுத்திறனை அடிப்படையாகக் கொண்டு அமைக்கப்பட்டுள்ளது. குழந்தைகளின் வளர்ச்சி பற்றிய ஆராய்ச்சியுடன் இக்கொள்கை தொடர்புடையது. ப்ரூனரின் இக்கருத்துகள் அறிவியல் மற்றும் கணிதம் கற்றல் முறை தொடர்பான கருத்தரங்கு மூலம் பெறப்பட்டது. சிறு குழந்தைகளுக்கான கணித; சமூக அறிவியல் பாடங்கள் வாயிலாக ப்ரூனர் தன் கொள்கைகளை விளக்குகிறார். ப்ரூனர், குட்நவ் ;ஆஸ்டின் (1951) ஆகியோர் எழுதிய புத்தகத்தில் பகுத்தறியும் திறன் பற்றி குறிப்பிடப்பட்டுள்ளது. குழந்தைகள் மொழியைக் கற்றுக்கொள்ளுதல் பற்றியும் ப்ரூனர் குறிப்பிடுகிறார்.

இந்த தத்துவம் மற்றும் அறிவியல் அடிப்படையிலான  விரிவான கோட்பாடு. ப்ரூனர் அதன் ஒரு கோணத்தைப் பற்றி மட்டும் குறிப்பிடுகிறார்.

உதாரணம்: ப்ரூனரின் புத்தகத்திலிருந்து (1973) எடுக்கப்பட்டது
"இதில் பகா எண் குறித்து மாணவர்களுக்கு எளிதில் புரிந்துகொள்ளும்படி விளக்கப்பட்டுள்ளது. ஒரு குறிப்பிட்ட எண்ணிக்கையிலான பீன்ஸ் விதைகளை முழுமையடைந்த நிரல்-நிரை வரிசையில் அமைக்க முடியாது. (அத்தகைய எண்ணிக்கையை ஒரே வரிசையிலோ அல்லது முற்று பெறாத நிரல்-நிரை வரிசையில் அமைக்க முடியும். தொடரமைப்பை முழுமைப்படுத்த ஒன்று குறைவாகவோ அல்லது ஒன்று அதிகமாகவோ தேவைப்படும். இந்த அமைப்பு மூலம் பல நிரல்-நிரைகளைக் கொண்ட பதிவேடுகளைப் பற்றியும் அட்டவணைகளைப் பற்றியும் அறிந்துகொள்கின்றனர்.  இந்த அமைப்பு வழியாக காரணிபடுத்துதல், பெருக்கல் கணக்கு மற்றும் பகா எண்கள் பற்றியும் தெரிந்துகொள்ளலாம்."

கொள்கைகள்

1. மாணவன் ஆர்வத்துடனும் எளிதில் புரிந்து கொள்ளும்படியும் பாடக்குறிப்புகள் அமைக்கப்பட வேண்டும்.
2. குறிப்புகள் எளிதில் புரியும்படி இருக்கவேண்டும்.
3. குறிப்புகள் மேலும் பல தகவல்களை அறிய செய்யும் வண்ணம் விடுபட்ட செய்திகளை அறியும்படி அமைக்கவேண்டும்.

மூலம் : tip.psychology.org/bruner.html

செய்முறைக் கற்றல் கொள்கை சி.ரோஜெர்ஸ்

செய்முறைக் கற்றல் கொள்கை மக்களின் கல்வி வளர்ச்சி மற்றும் மேம்பாடு ஆகியவற்றை அடிப்படையாகக் கொண்ட பல அடுக்கு மேம்பாட்டு கல்வி கற்றல் முறையைக் கொடுக்கிறது. செய்முறைக் கற்றலில் நேரடி அனுபவத்திற்கு அதிக முக்கியத்துவம் கொடுக்கப்படுகிறது.  இதுதான் மற்ற முறைகளிலிருந்து இதனை வேறுபடுத்திக் காட்டுகிறது  நேரடி அனுபவம் என்ற ஒன்றுதான் புலன்களுக்கு முக்கியத்துவம் தரும் பகுத்துணர்ந்து கற்றல் முறையிலிருந்து இம்முறையை வேறுபடுத்திக் காட்டுகிறது.

நேரடி அனுபவத்தின் வாயிலாக அறிவு பறிமாற்றம் நிகழ்வதுதான் செய்முறைக் கற்றலின் சிறப்பு

முன்னுரை

ரோஜெர்ஸ் கற்றலை இருவகையாகப் பிரிக்கிறார் -
பகுத்துணர்ந்து கற்றல் (அர்த்தமற்றது) & செய்முறைக் கற்றல் (முக்கியமானது). முதலில் உள்ளது பாட அறிவு (அகராதி சொற்களை அறிதல், கணித வாய்ப்பாடு அறிதல்)தொடர்பானது. இரண்டாவது பயன்பாட்டு  அறிவு (காரை ரிப்பேர் செய்ய தேவையான கார் இன்ஜினைப் பற்றிய அறிவு). சோதனைவழி கற்றல் முறையில் கற்பவரின் தேவையும் ஆர்வமும் கருத்தில் கொள்ளப்படுகிறது. இம்முறையின் பண்புகளை ரோஜெர் கீழே பட்டியலிடுகிறார்.-  தனிநபரின் ஈடுபாடு, சுயமாக செய்தல், கற்பவராலேயே மதிப்பிடப்படுதல், கருத்துகளை அதிகம் தக்க வைத்துக்கொள்ளல்.   
இம்முறையில் கற்றல் என்பது தனிநபரின் மாற்றத்திற்கும் வளர்ச்சிக்கும் இணையாக நிகழ்கிறது. ஒவ்வொரு மனிதனுக்கும் இயற்கையாகவே கற்றுக்கொள்ளும் திறன் உள்ளது,
எனவே ஒரு ஆசிரியரின் பங்கு அவற்றை நெறிபடுத்துவதே ஆகும்.  அவைகளில் சில :

((1) கல்வி கற்க ஏற்ற சூழலை உருவாக்குதல்,
(2) கற்றலின் நோக்கத்தைப் புரியவைத்தல்,
(3) கல்வி உபகரணங்கள் மற்றும் பிற எழுதுபொருட்களை கிடைக்கும்படி செய்தல்
(4) அறிவுசார் மற்றும் உணர்வு சார் கல்விக்கூறுகளை சமமாக வழங்குதல்
(5) மாணவர்கள் மீது ஆதிக்கம் செலுத்தாமல் அவர்களிடம் எண்ணங்களைப் பகிர்ந்துகொள்ளுதல்.

கீழ்க்கண்ட நிலைகளில் கல்வி கற்றலிற்கு ஏற்ற சூழல் அமையும்:

(1) மாணவர்கள் முழு ஈடுபாட்டுடன் கல்வி கற்கிறார்கள் மற்றும் அதன் போக்கிலும் அமைப்பிலும் அவர்களின் பங்களிப்பு உண்டு.
(2) செயல்முறை, சமூக, தனிமனித மற்றும் ஆராய்ச்சி சார்ந்த பிரச்சனைகளுக்கு இடையே நேரடி முரண்பாட்டின் அடிப்படையில் இம்முறை அமைந்துள்ளது.
(3) சுய-மதிப்பீடு தான் இங்கு பிரதான மதிப்பிட்டு முறை. கற்றலின் முக்கியத்துவத்தையும் மாற்றத்திற்கு தயாராக இருக்க வேண்டியதன் அவசியத்தையும் ரோஜெர் குறிப்பிடுகிறார்.

அமலாக்கம்

செய்முறைக் கற்றல் முறை மாணவனின் தேவைகளையும் ஆர்வத்தையும் இனங்கண்டு அவனை அதிக ஈடுபாட்டுடன் கற்கச் செய்கிறது. இங்கு தன்னார்வம் மற்றும் சுயமதிப்பீட்டுத் திறன் அவசியம். இம்முறை சிறப்பாக செயல்பட செயல்திட்டம், குறிக்கோள் நிர்ணயித்தல் முதல் சோதனைகள் மூலம் இலக்கினை அடைந்துவிட்டோமா என்பதை அறியும் வரை அனைத்து பாகங்களும் செம்மையாக செய்யப்பட வேண்டும். இவ்வகை செயல்முறைகள் புதியவற்றை அறியவும், புதிய கோணங்களில் சிந்திக்கவும் உதவும்

நாம் குழந்தையாக இருக்கும்போது விளையாடிய விளையாட்டுகள் நினைவிருக்கிறதா? இந்த எளிய விளையாட்டுகள் குழு நிர்வாகம், தலைமைப்பண்பு உள்ளிட்ட கல்வி மற்றும் சமூகத் திறன்களை நமக்கு சொல்லிக்கொடுத்திருக்கின்றன. செய்முறை வழிக் கற்றல் முறையைப் போலவே இவை பிரபலமடையக் காரணம் இவற்றில் உள்ள வேடிக்கை சமாச்சாரங்கள்தான். வேடிக்கையான முறையில் கல்வி கற்றால் அவை அதிக நாட்களுக்கு நம் நினைவில் நிற்கும். பெரும்பாலான கல்வியாளர்கள் செய்முறைக் கற்றலின் மகத்துவத்தை உணர்ந்துள்ளனர். நகைச்சுவை கலந்த வேடிக்கையான கல்விச் சூழல் கற்றலை அதிகம் மேம்படுத்துகிறது.
ஒவ்வொரு தனி நபரும் நேரடியாக ஈடுபடுவதால் செம்மையான புரிதலுக்கும் அதிக நாள் தக்கவைத்தலுக்கும் உதவும்.

கொள்கைகள்

1. மாணவருக்கு பாடத்தில் தனிப்பட்ட ஆர்வம் இருந்தால் மட்டுமே கல்வி பயிலுதல் நிகழும்.
2. வெளிப்புற தாக்கம் குறைவாக இருக்கும்போது தனி மனிதன் மீது அதிக தாக்கத்தை ஏற்படுத்தும் கல்வி எளிதில் ஏற்றுக்கொள்ளப்படும்.
3. தனி மனிதன் மீது அதிக தாக்கம் இருக்கும் போது  கல்வி கற்றல் விரைவாக் நிகழும்.
4. தானாக கற்கும் கல்வி அறிவு நீண்ட நாள் நிலைத்து அதிக தாக்கத்தை ஏற்படுத்தும்.

பகுத்துணர்ந்து கற்றல்

கவனித்தல், குறிப்பெடுத்தல் மற்றும் பிறர் போலச் செய்வது மூலமாக மனிதர்கள் சிறப்பாக கல்வி பெற இயலும். பகுத்துணர்ந்து கற்றல் என்பது கேட்டல், கவனித்தல்,தொடுதல் அல்லது சோதனை வழி அறிதல் மூலம் நிகழ்கிறது. இம்முறையில் பிறர் செய்வது போல தானும் செய்வது மட்டுமல்லாமல் பல வழிகளில் அறிவு பெற வாய்ப்புள்ளது. இதைப்பற்றி இணையதளங்களில் படிப்பதால் மட்டும் இதன் முக்கியத்துவத்தை உணரமுடியாது.  பகுத்துணர்ந்து கற்றல் என்பது மூளை அல்லது புலன் உறுப்புகள் வாயிலாக கல்வி அறிவு பெறுவதைக் குறிக்கிறது. ஒருபொருளைப் பற்றி மனக் கண்ணோட்டமும் தகவல் பரிமாற்றமும் பகுத்துணர்ந்து கற்றல்  முறையில் அங்கங்களாகும்.

பகுத்துணர்ந்து கற்றல் எவ்வாறு நிகழ்கிறது?

புலன் வழி கற்றல் முறையில் மாணவர்கள் கேட்டல், கவனித்தல், தொடுதல், வாசித்தல் அல்லது சோதனை மூலம் அறிதல், பின்னர் அவற்றை நினைவுபடுத்தி பார்த்தல் முதலியவை வாயிலாக கல்வி பெறுகிறார்கள். பெற்ற தகவலை பகுத்தறிதல், புதியவற்றை நினைவு படுத்துதல் என கற்பவர் புலன் அளவில் சுறுசுறுப்பாக உள்ளார்.

புலன் வழிக் கல்வி குறியீடுகள், எண் மதிப்புகள், கொள்கைகள் மற்றும் கோட்பாடுகள் உள்ளிட்ட பலதரப்பட்ட கலாச்சாரக் கூறுகளை உருவாக்கி அவற்றை மாணவர்களுக்கு அளிக்கிறது. இவ்வகை பகுத்துணர்ந்து கற்றல் மனிதர்களிடம் மட்டுமே நிகழ்வதல்ல பிற விலங்கினங்களும் காட்சி வழியே இவற்றைப் பெறுகின்றன. விலங்குகள் காப்பகத்தில் ஒரு குரங்கு மனிதனைப் போலவோ பிற குரங்கைப் போலவோ செய்வதை நாம் காணலாம்.

கற்பித்தல் மற்றும் கற்றல் வழிமுறைகள்

6இ+எஸ் மாடல்

இந்த 6இ+எஸ் திட்டம் (ஈடுபாடு, ஆராய்ந்து அறிதல்,விளக்கமளித்தல்,  விவரித்தல்,மதிப்பிடல், விரிவாக்குதல் மற்றும் தரம்) அமைப்பு சார்ந்த கல்விமுறை அடிப்படையில் கல்வியியல் பேராசியர்களின் ஆலோசனைகளைப் பெற்று உருவாக்கப்பட்டுள்ளது. அமைப்பு சார்ந்த முறையில்  கல்விக்கான பாடத்திட்டமும் செயல் முறைகளும் அமைக்கப்பட்டுள்ளன. இதனால் தாம் ஏற்கனவே பெற்ற கல்வியுடன் மேலும் பல புதிய தகவல்க்ளை மாணவர்கள் அறிந்துகொள்கின்றனர்.

இந்த ஒவ்வொன்றும் கற்றலின் ஒவ்வொரு கட்டத்தைக் குறிப்பிடுகிறது. இவை அனைத்தும் ஆசிரியர் மற்றும் மாணவர் இருவரும் ஈடுபடும் பொதுவான செயலைக் குறிக்கிறது. முன்பு பெற்ற அறிவை பயன்படுத்தவும், அதை மேம்படுத்தவும், புதியவற்றைக் கற்றுகொள்ளவும் அதனை தொடர்ந்து மதிப்பீட்டுக்கு உட்படுத்துதலும் இங்கு நிகழ்கிறது.

ஈடுபடுதல்
'ஈடுபடும்' செயல் முன்பு கற்றவைக்கும் இன்று கற்கப்போவதற்கும் தொடர்பு ஏற்படுத்த வேண்டும்; புதிய செயல்களை உருவாக்க வேண்டும்; மாணவர்களின் சிந்தனைகள் செயல்முடிவுகளை குறித்து இருக்குமாறு செய்ய வேண்டும். மனதளவில் அவர்கள் பாடத்திலும், செயல்முறையிலும் அல்லது பயிற்றுவிக்கப்படும் திறனில் முழுவதுமாக ஈடுபட்டிருப்பர். ஒவ்வொரு பாடமும் சிந்தனையைத் தூண்டும் ஒரு முக்கியமான கேள்வியைக் கொண்டிருக்கும். ஆராய்ந்து அறிதல் பகுதியில் உள்ளவற்றை அறியும் வண்ணம் சில கேள்விகள் இடம் பெற்றிருக்கும்.

ஆராய்ந்து அறிதல்
இந்த கட்டத்தில் மாணவர்கள் பாடத்தை ஆழமாகப் படிக்கின்றனர். இங்கு அதிக  வழிகாட்டுதல்களின்றி பாட புத்தகங்களை அவர்களாகவே படித்தறியும்  வாய்ப்பு கொடுக்கப்படுகிறது என்பது குறிப்பிடத்தக்கது. மாணவர்களுக்கு சில வழிகாட்டுதல்கள் தேவைப்படும். ஆசிரியர்கள் சுழற்சி முறையில் சில முக்கியமான கேள்விகளைக் கேட்டு அவர்களின் உரையாடல்களை கவனித்து அவர்கள் எவ்வளவு படித்திருக்கிறார்கள் என்பதை அறியலாம்.

விளக்கமளித்தல்
இக்கட்டத்தில் மாணவர்கள் தாங்கள் கற்றவற்றை விளக்கிக் கூற உதவுகிறது. தாம் புரிந்துகொண்டதை வார்த்தைகளில் விளக்கிக் கூறவோ அல்லது தங்களின் திறமைகளை வெளிக்காட்டவோ வாய்ப்பு அமைகிறது. இக்கட்டத்தில் ஆசிரியர்களுக்கும் புதிய கலைச்சொற்கள், வரையறைகளைக் குறிப்பிடவும் திறன்களையும் பண்புகளையும் விளக்கவும் வாய்ப்பு கிடைக்கிறது.

விவரித்தல்
இங்குதான் மாணவர்கள் ஒரு பயிற்சியில் நேரடியாக ஈடுபடுகிறார்கள்.தாம் புதிதாக கற்றுக்கொண்டவற்றைப் பயன்படுத்தவும் அதில் தான் பெற்ற அனுபவங்களையும் சோதனை முடிவுகளை பிறரிடம் பகிர்ந்து கொள்ளவும் வாய்ப்பு கிடைக்கிறது. மாணவர்கள் தங்களின் பரிசோதனை முடிவுகளை மதிப்பீட்டுக்கு வைக்கவும், முடிவுகளை சமர்ப்பிக்கவும் செய்கிறார்கள்.

மதிப்பிடுதல்
மாணவர்களுக்கு கல்வி சென்று சேர்ந்திருக்கிறதா என்று ஆசிரியர்கள் ஆண்டு முழுவதும் மதிப்பிடுகிறார்.இக்கட்டத்தில் மாணவர்கள் சுய மதிப்பீடு, குழு மதிப்பீடு செய்யவும் மற்றும் மதிப்பீட்டு வழிமுறைகளையும் சாதனங்களையும் உருவாக்கவும் ஊக்குவிக்கப்படுகிறார்கள்.

விரிவாக்குதல்
இப்பகுதியில் பாடதிட்டத்திற்கு வெளியே உள்ளவற்றை அறிந்து கொள்ள சில குறிப்புகள் கொடுக்கப்பட்டுள்ளது. மாணவர்கள் தாம் கற்றுக்கொண்டவற்றை பல புதிய விசயங்களுக்கும் புதிய சூழலுக்கும் பயன்படுத்த உதவுகிறது.எனினும் இச்செயல் மாணவர்களின் உற்சாகத்தால் விளைவதாகும். இது முழுக்க முழுக்க மாணவர்கள் தாங்களாகவே செய்யும் செயல். எனினும் ஆசிரியர்கள் சில ஆலோசனைகள் வழங்கலாம். மாணவர்கள் தங்கள் கண்டுபிடிப்பை தங்கள் பள்ளி மட்டுமல்லாமல் அடுத்த பிற பள்ளிகளில் நடத்தப்படும் போட்டிகளில் கலந்து கொள்கின்றனர்.

தரங்கள்
ஒவ்வொரு பாடத்திட்டம் வாரியாக தற்பொதுதான் தரம் நிர்ணயிக்கப்பட்டு வரப்படுகிறது. தரம் நிர்ணயம் தேசிய, மாநில அல்லது பகுதிவாரியான தரத்திற்கு ஏற்ப அமைக்கப்படுகிறது. இது பள்ளி அல்லது வட்டார அளவில் பாடத்திட்டதில் என்னென்ன பாடங்கள் சேர்க்கவேண்டும் என்று குறிப்பிடுகிறது மற்றும் ஆசிரியர்களுக்கு கற்பித்தலுக்கான  வழிமுறைககளை அளிக்கிறது.

மூலம் : www.nortellearnit.org

மற்றவர்களைப்போல் உருவகப்படுத்தி நடித்தல்

கலந்துரையாடல் கற்பித்தல் முறையின் ஒரு பகுதியான உருவகப்படுத்தி நடித்தல் மூலம் மாணவர்களுக்கு அதிக பலன் கிட்டும் (உதாரணமாக பகத்சிங் போல பாவனை செய்து கருத்துக்களை விளக்குதல்). இந்த முறையை சிறப்பாக செயல் படுத்த முழுமையான தயாரிப்பு திட்ட வரையறை, நிர்ணயிக்கப்பட்ட இலக்கு மற்றும் பயிற்சிக்குப் பின் விளக்கிக் கூற கால அவகாசம் ஆகிய அனைத்தும் மிக அவசியம். இதன் மூலம் மாணவர்களின் சமயோஜித அறிவு மற்றும் குழு வழிகற்றல் ஊக்குவிக்கப்படுகிறது. இப்பயிற்சி மாணவர்கள் பலவித தகவல்களில் தெளிவு பெறவும் தான் படித்தவற்றிலிருந்து அன்றாட வாழ்வில் நடப்பவற்றை ஒப்பிட்டு பார்க்கவும் வழி செய்கிறது.

பல்வேறு வயது உடைய மாணவர்கள் கொண்ட வகுப்பில் கற்பித்தல்

பல வயது மாணவர்கள் கொண்ட வகுப்பில் கற்பித்தல் கற்போரின் பன்முகத்தன்மையை அடிப்படையாகக் கொண்டு நிகழ்கிறது. பாடங்கள் ஒவ்வொரு தலைப்பு வாரியாக பல்வேறு தரத்தில் அமைக்கப்பட்டு ஒவ்வொரு தரத்திற்கு தனித்தனி பயிற்சி வினாக்கள் கொடுக்கப்பட்டிருக்கும். மாணவர்கள் தங்களுக்குள் உதவி செய்ய ஊக்கப்படுத்தப்படுகிறார்கள். ஒவ்வொருவரின் வயதிற்கேற்ப உள்ள திறன்களை அறிந்து கொள்ள முடிகிறது  இந்த கூட்டு முயற்சியில் மூத்த மாணவர்கள் இளைய மாணவர்களுக்கு ரோல்-மாடல்களாகவும் (முன் மாதிரி) வழிகாட்டியாகவும் இருக்கிறார்கள்.

இவ்வகை வகுப்புகளில் பல்வகையான கற்பித்தல் முறைகளையும் மதிப்பீட்டு முறைகளையும் கையாளலாம். குழு அமைப்பதில் கடுமையான் விதிமுறைகளில் தளர்வு, தனிப்பட்ட கற்றல் முறைகள், அனைவரின் பங்களிப்பு, பிறரை மதித்து நடத்தல் எனப் பல்வேறு வகையில் பயனுள்ளதாக உள்ளது.

குழுவழிக் கற்றல்

குழுவழிக் கற்றல் முறைதான் பிற முறைகளைக் காட்டிலும்  அதிக அளவில் ஆராய்ச்சி செய்யப்பட்டுள்ளது. மாணவர்கள் குழுவாக செயல்படும் வாய்ப்பு, வேகமாகவும் செம்மையாகவும் கற்றுக்கொள்ளல், அதிகம் தக்கவைத்துக்கொள்ளும் திறன், கல்வி பயில்தல் பற்றி நேர்மறையான எண்ணம் கொண்டுள்ளார்கள் என முடிவுகள் தெரிவிக்கின்றன.  மாணவர்களை குழுக்களாக அமைத்து ஒரு செயலை முடிக்குமாறு பணித்தல் மட்டுமே இம்முறையில் நிகழ்வதில்லை. இம்முறையில் வெற்றி அடைய குறிப்பிட்ட வழிமுறைகள் பல உள்ளன.  மாணவர்களும் ஆசிரியர்களும் அவற்றை அறிந்திருத்தல் அவசியம். சமீபத்தில் இம்முறை தவறாக பயன்படுத்தப்படுவது குறித்து பல புகார்கள் வந்துள்ளன. மாணவர்கள் குழுவாக செயல்படும்போது ஆசிரியர்கள் விடைத்தாள் திருத்துதல் உள்ளிட்ட பிற வேலைகளில் ஈடுபடுதல் கூடாது.  நன்கு படிக்கும் மாணவர்கள் தொடர்ந்து குழுத்தலைவனாக நியமித்து அவற்றை கவனிக்க பணிக்கப்படுவதால் அவர்களுக்கு இத்திட்டம் எற்றதல்ல. இன்று பணியிடங்களில் அதிக எதிர்பார்க்கப்படும் பிறருடன் இணைந்து செயல்படுதல், கூட்டாக செயல்படுதல் முதலிய குணங்களை வளர்த்துக் கொள்ள வாய்ப்பாக அமைகிறது. ரிப்போர்ட்டர், பதிவுசெய்பவர், நிகழ்ச்சி ஒருங்கிணைப்பளார் முதலிய பல்வேறு பாத்திரங்களில் பணி செய்ய குழுவழிக் கற்றல் வாய்ப்பளிக்கிறது. குழுவில் ஒவ்வொருவரும் ஈடுபட வேண்டும்; அவர்களுக்குத் தனித்தனி பணிகள் உள்ளன. யாரும் இதில் கலந்து கொள்ளாமல்  இருந்துவிட முடியாது.  ஒரு குழுவின் வெற்றி ஒவ்வொரு தனிநபரின் உழைப்பில்தான் உள்ளது

மாணவர்கள் கல்வி தொடர்பான பணிகளில் சிறுசிறு குழுக்களாக செயல்படுவது அவர்களுக்கும் தங்கள் குழு நண்பர்களுக்கும் உதவியாக இருக்கிறது. குழுவழிக் கற்றல் முறை கீழ்க்கண்ட ஐந்து பண்புகளைக் கொண்டுள்ளது.

·         குழுவாக செயல்படுவதன் மூலம் சிறப்பாக செய்யக்கூடிய செயல்களை மாணவர்கள் குழுக்களாக இணைந்து செய்து முடிக்கிறார்கள்.

·         இரண்டு முதல் ஐந்து நபர்கள் கொண்ட குழுவாக செயல்படுகிறார்கள்.

·         பொதுவான பணிகளை  செய்து முடிக்க தங்களின் கூட்டுறவு மற்றும் சமுதாய குணங்களைப் பயன்படுத்துகிறார்கள்.

·         ஒவ்வொருவரும் குழுவின் மற்ற உறுப்பினர்களை சார்ந்திருக்கின்றனர். செயல்திட்டம் அதற்கு ஏற்றது போல் அமைக்கப்பட்டிருக்கும்.

·         ஒவ்வொரு மாணவனுக்கும் தன் செயலில் முழு பொறுப்பு உண்டு.

கற்கும் முறைகள்

கற்கும் முறைகள் என்பது கல்வி கற்க வெவ்வேறு வகையான உத்திகள் மற்றும் செயல்முறைகள்

கற்கும் முறைகள் என்ன?

காட்சி வழி கற்போர்: காட்சி வழி  கற்றல்....
இவ்வகை கற்போர் ஆசிரியரின் உடலசைவு மொழிகள் மற்றும் முகபாவனைகளைக் காணும்போதுதான் பாடத்தினை முழுமையாகப் புரிந்துகொள்ள முடியும். கவனிக்கும்போது எதுவும் கண்ணை மறைக்காமல் இருக்க இவர்கள் வகுப்பறையில் முன் வரிசையில் அமர விரும்புவர். இவ்வகை கற்போர்கள் காட்சி வழியாகவே சிந்திக்கிறார்கள். படங்கள், சார்ட்டுகள், படங்களுடன் கூடிய பாடப்புத்தகங்கள், வீடியோ மற்றும் கையடக்க குறிப்புகள் மூலம் நன்றாக புரிந்துகொள்வர். வகுப்பில் பாடம் நடத்தும்போதோ ஆசிரியர் கலந்துரையாடும்போதோ இவ்வகை கற்போர் முழுதும் குறிப்பு எடுக்க விரும்புவர்.

கேட்டல் வழி கற்போர் : செவி வழி  கற்றல்...
இவ்வகைக் கற்போர் லெக்ச்சர்கள், கலந்துரையாடல்கள், பாடத்தில் உள்ளவற்றைப் பற்றி பிறரிடம் விவாதித்தல் மற்றும் அவர்களின் கருத்துகளைக் கேட்டல் மூலம் சிறப்பாகப் பயில்வர். சொற்களில் பொதிந்திருக்கும் பொருளை ஆசிரியர் குரலின் பேச்சு சுருதி, வேகம் முதலியவற்றைக் கொண்டு அறிய முற்படுவர். இவர்களைப் பொறுத்தவரையில் எழுத்து வடிவில் உள்ளதைக் காட்டிலும் பேச்சு வடிவில் உள்ளது அதிக பயன்தரும்.  பாடத்தை சத்தமாகப் படிப்பதும்  டேப் ரெக்கார்டர் மூலம் பாடத்தினை கேட்பதும் அதிக பயன்தரும்.

உடல் அசைவு/தொடுதல் வழி:  அசைவுகள்,தொடுதல் வழி கற்றல்... 
இவ்வகை கற்போர் சுற்றுப்புற உலகில் உள்ளதை தாங்கள் நேரில் அறிந்து, ஆராய்ந்து கற்க விரும்புவர். ஒரே இடத்தில் அதிக நேரம் இருக்க மாட்டார்கள். ஆராய்ச்சி செய்யும் எண்ணம் அவர்களின் கவனத்தை அடிக்கடி சிதைக்கும்.

ப்லூமின் கற்றல் களங்கள் வகைப்பாடு

1. மூன்று வகையான கற்றல் வகைகள்
2. காக்னிடிவ் வகை எனப்படும் அறிவு சார்ந்த திறன்
3. இதர உடற்திறன் சாரந்த கற்றல் வகைகள்

          i.     டேவ் (1975)

          ii.     ஹாரோஸ், 1972

          புளூம்ஸின் மாற்றியமைக்கப்பட்ட வகைப்பாட்டியல்

மூன்று வகையான கற்றல் வகைகள்

கற்றலில் ஒன்றுக்கு மேற்பட்ட வகைகள் உள்ளன. பென்ஜமின் புளும் (1956) அவர்கள் தலைமையில் செயல்பட்ட கல்லூரிகளின் குழுக்கள் கற்றல் செயல்களில் மூன்று வகைகளை கண்டுபிடித்துள்ளனர். அவையாவன

·         காக்னிட்டிவ் எனப்படும் அறிவுத்திறன் சார்ந்த திறமைகள்

·         அபெக்டிவ் எனப்படும் உணர்வுபூர்வமான திறன்கள்

·         சைக்கோமோட்டார் எனப்படும் உடற்திறன் சார்ந்த திறமைகள்

இந்த மேற்கூறிய திறன்கள் உயர்கல்வியில் மட்டுமே வெளிப்படுத்தப்படும் என்பதால் சாதாரணமாக நாம் உபயோகிக்கும் வார்த்தைகளை விட பெரியதாக தெரிகின்றன.. பயிற்றுனர்கள் மேற்கூறிய மூன்று திறன்களை கே.எஸ்.ஏ (அறிவு, திறன், நோக்குதல்) என்று உபயோகிக்கின்றனர். இந்த கற்றலின் வகைப்பாட்டியலை ‘பயிற்சியின் முக்கிய நோக்கமாக’ கருதப்படுகின்றது. அதாவது ஒவ்வொரு பயிற்சியின் முடிவுக்குப்பின்பு பயிற்சி பெற்றவர்கள் இம்மூன்று திறன்களான அறிவு, திறன் மற்றும் ஒரு விஷயத்தை நோக்கும் திறன் ஆகியவற்றைக் கற்றிருக்கவேண்டும்.

இந்தக்குழு காக்னிட்டிவ் எனப்படும் அறிவு சார்ந்த திறமைகளையும் மற்றும் உணர்வுப்பூர்வமான திறமைகளையும் நன்கு தொகுத்துள்ளது. ஆனால் உடற்திறன் சார்ந்த திறன்களை தொகுக்கவில்லை. இதற்கான விளக்கத்தை இக்குழு கூறும்போது கல்லூரி அளவிலான மாணாக்கர்களுக்கு உடற்திறன் சார்ந்த பயிற்சிகளை அளிப்பது மிகக்குறைவான அனுபவமே பெற்றுள்ளது என தெரிகிறது. இந்த மேற்கூறிய திறமைகளின் வகைகள் மேலும் பல கிளை வகைகளாக பிரிக்கப்பட்டு, அதாவது மிக எளிய பழக்கம் முதல் மிக சிக்கலான பழக்கங்கள் வரை வகைப்படுத்தப்பட்டுள்ளன. ஆனால் இவ்வாறு வகைப்படுத்தப்பட்ட கிளை வகைகள் முறையாக வகைப்படுத்தப்படவில்லை. ஆனால் புளூம்ஸ் வகைப்பாட்டியல் எளிதில் புரிந்துகொள்ளக்கூடியதாகவும் இன்று நடைமுறையில் அதிகம் உபயோகிக்கப்படுவதாகவும் இருக்கிறது.

காக்னிடிவ் வகை எனப்படும் அறிவு சார்ந்த திறன்

காக்னிடிவ் வகை (புளும்ஸ்,1956) அறிவுத்திறன் சார்ந்த திறன்களை வளர்த்துக்கொள்வதில் வகைப்படுத்தப்பட்டுள்ளது. இத்திறனில் முக்கிய விசயங்களை நினைவு கூறல், செய்முறை வடிவம், அறிவுத்திறனை அதிகரிக்கும் செயல்களை அதிகரித்தல் ஆகியவற்றை உள்ளடக்கியது. மிக எளிய பழக்கவழக்கங்களிலிருந்து அதிக சிக்கலான பழக்கவழக்கங்கள் வரை கற்க ஆறு முக்கிய செய்முறைவகைகளாக கீழ்க்கண்டவாறு பிரிக்கப்பட்டுள்ளன. வெவ்வேறு விதமான சிக்கலான செய்முறைகளுக்கேற்றவாறு இச்செய்முறைகள் வகைப்படுத்தப்பட்டுள்ளன. அதாவது முதல் செய்முறையினை நன்றாக பழகிக்கொண்டு அடுத்த கட்ட செய்முறையினை கற்கவேண்டும்.

வகைகள்	உதாரணங்கள் மற்றும் முக்கியச்சொற்கள்
விவரங்களை அல்லது தகவல்களை நினைவுகூறல்	உதாரணங்கள்; ஒரு திட்டத்தினை உருவாக்குதல், பொருட்களின் விலைகளை நுகர்வோருக்கு மனப்பாடமாக கூறுதல், பாதுகாப்பு விதிகளை அறிந்துகொள்ளுதல் முக்கியசொற்கள்; வரையறைகள், விளக்கங்கள், கண்டுபிடித்தல், அறிதல், பட்டியலிடுதல், பொருத்துதல், பெயர்கள், நினைவுகூறல், கண்டுபிடிப்பது, திரும்ப செயதல், தேர்ந்தெடுத்தல்
மொத்தமான விவரங்கள்; அறிவுரைகளையும், சிக்கல்களையும் புரிந்துகொள்ளுதல், மொழிபெயர்த்தல், அறிவுரைகளை மற்றும் சிக்கல்களை வரையறுத்தல். பயிற்சி பெறுபவரின் சொந்த வார்த்தைகளில் சிக்கல்களை வரையறுத்தல்	உதாரணங்கள்; பரிட்சை எழுதுவதின் முக்கியத்துவத்தை மீண்டும் எழுதுதல். ஒரு சிக்கலான செயலை எப்படி செய்வது என்பதை பயிற்சி பெறுபவர் தங்கள் சொந்த வார்த்தைகளில் வரையறுத்தல். கணினி ஸ்ப்ரெட் சீட் மூலம் சமனங்களை மொழி பெயர்த்தல் முக்கியமான சொற்கள்;ஒருங்கிணைத்தல், மாற்றுதல், போராடுதல், கண்டுபிடித்தல், மதிப்பிடுதல், விளக்கம் தருதல் , பொதுப்படுத்துதல், உதாரணங்கள் தருதல், அவற்றை வரையறுத்தல், முன்பே கண்டுபிடித்தல், திரும்ப எழுதுதல், சுருக்குதல், மொழிபெயர்த்தல்
உபயோகித்தல் ஒரு நோக்கத்தினை முற்றிலும் புதிய இடத்தில் அல்லது சூழ்நிலையில் உபயோகித்தல். அதாவது வகுப்பறையில் கற்றுக்கொண்ட விசயத்தினை வேலை செய்யுமிடத்தில் ஒரு சரியான சந்தர்ப்பத்தில் உபயோகித்தல்	உதாரணங்கள் அலுவலர்களின்  விடுமுறை நேரங்களை கணக்கிட ஒரு புத்தகத்தினை உபயோகித்தல். எழுத்துத்தேர்வின் உண்மைத்தன்மையினை பரிசோதிக்க புள்ளியியல் விதிகளை உபயோகித்தல் முக்கியசொற்கள் உபயோகித்தல், மாற்றங்கள், கணக்கிடுதல், கட்டமைத்தல், விளக்கம் தருதல், கண்டுபிடித்தல், மாற்றியமைத்தல், மாறுதல், செயல்படுதல், முன்கூட்டியே கணக்கிடுதல் , தயாரித்தல், காண்பித்தல், தீர்த்தல், உபயோகங்கள்
ஆய்வுசெய்தல் பொருட்களையும் அதன் கருப்பொருளையும் அதன் முக்கிய தனிப்பகுதிகளாகப் பிரித்து அதன் அமைப்பினை அறிந்துகொள்ளுதல். உண்மைகளையும் பின்பு அது பற்றிய விளக்கங்களையும் பிரித்தறிதல்	உதாரணங்கள் ஒரு உபகரணத்தின்  ஒரு பகுதியினை கண்டறிந்து அதனை உபயோகப்படுத்தும் முறைகளை அறிதல், காரணங்களை விளக்குவதில் சரியான முறைகளை கையாளுதல், ஒரு துறையிலிருந்து விவரங்களை சேகரித்து பின் தேவையான விசயங்களை பயிற்சிக்காக தெரிவு செய்தல் முக்கியசொற்கள் ஆய்வு செய்தல், நிறுத்துதல், ஒப்பிடுதல், படங்கள், மீண்டும் வடிவமைத்தல், பிரித்தறிதல், தனியாக இனம் காணல், கண்டுபிடித்தல், விளக்கம் தருதல், விரிவுரையாக்கம் செய்தல், வெளிப்புற கருவினை விளக்குதல், ஒற்றுமைகளைக் கண்டறிதல், தெரிவு செய்தல், தனியாகப்பிரித்தல்
உருவாக்குதல் பல்வேறுபட்ட பொருட்களிலிருந்து ஒரு  கட்டமைப்பினை அல்லது ஒரு  பொருளை உருவாக்குதல். பல்வேறு  பாகங்களை ஒன்றிணைத்து ஒரு  புது அமைப்பினை உருவாக்குதல்	உதாரணங்கள் ஒரு  செய்முறை கையேடு அல்லது விளக்கக்கையேட்டினை உருவாக்குதல். ஒரு குறிப்பிட்ட செயலினை  செய்ய ஒரு இயந்திரத்தினை  வடிவமைத்தல். ஒரு சிக்கலைத்  தீர்க்க பல்வேறு இடங்களிலிருந்து  பெற்ற பயிற்சிகளைப்  ஒருங்கிணைத்தல், செயல்முறை பயிற்சியினை மீண்டும் செய்வதன் மூலம்  முடிவுகளை முன்னேற்றுதல் முக்கியசொற்கள் வகைப்படுத்துதல், ஒருங்கிணைத்தல்,ஒன்றாக்குதல், உருவாக்குதல், மாதிரிகள், விளக்கம் தருதல், உருவாக்குதல், மாற்றியமைத்தல், செயல்படுத்துதல், திட்டமிடல், மீண்டும் வடிவமைத்தல், இணைத்தல், திரும்பச்செய்தல், திரும்ப  எழுதுதல், சுருக்குதல், சொல்லுதல், எழுதுதல்
மதிப்பிடுதல் யோசனைகள்  மற்றும் பொருட்களை மதிப்பிடுதல்	உதாரணங்கள் சரியான  வழிமுறைகளை தேர்ந்தெடுத்தல்.  சரியான தகுதியுள்ள ஆட்களைத் தேர்ந்தெடுத்தல், ஒரு புதிய நிதியறிக்கையினை விளக்கமளித்து அதன் வடிவமைப்பினை நியாயப்படுத்துதல் முக்கியசொற்கள் மதிப்பிடல், ஒப்பீடு செய்தல், முடிவு செய்தல், எதிர்மறை விளக்கமளித்தல், குறை கூறுதல், விளக்கமளித்தல், மதிப்பீடு செய்தல், முடிவுரை கூறுதல், நியாயப்படுத்துதல், இணைத்தல், சுருக்குதல், உதவி செய்தல்

உணர்வுப்பூர்வமான வகை

உணர்வுப்பூர்வமான வகை கற்றல் எப்படி விசயங்களை நாம் உணர்வுப்பூர்வமாக கையாளுகிறோம் அதாவது உணர்வுகள், அவற்றின் மதிப்பீடுகள், பாராட்டுதல், ஆர்வத்துடன் செயல்படுதல், ஊக்கப்படுத்தல் மற்றும் எண்ணங்ககள் ஆகியவையாகும் (Krathwohl, Bloom, Masia, 1973). இந்த வகைக் கற்றலில் எளிய பழக்கவழக்கங்களிலிருந்து அதிக கடினமாக பழக்கவழக்கங்கள் வரை 5 முக்கிய வகைகளாக வகைப்படுத்தப்பட்டுள்ளது.

வகைகள்	உதாரணங்கள் மற்றும் முக்கிய சொற்கள்
கேட்கும் திறன் விழிப்புணர்வு, கேட்பதற்கான விருப்பம், முக்கிய தேர்ந்தெடுக்கப்பட்ட  கவனம்	உதாரணங்கள்; மற்றவர்கள் கூறுவதை மரியாதையுடன் கவனித்தல், புதிதாக அறிமுகப்படுத்தப்படும் நபர்களை கவனித்து அவர்களின் பெயர்களை நினைவில் வைத்துக்கொள்ளுதல் முக்கியசொற்கள் கேட்டல், தேர்ந்தெடுத்தல், விளக்கமளித்தல், பின்பற்றுதல், கொடுத்தல், பிடித்துவைத்துக்கொள்ளுதல், கண்டுபிடித்தல், இடத்தைக்கண்டுபிடித்தல், பெயர்கள், இடத்தை தேர்ந்தெடுத்து, உட்காருதல், நிற்றல், பதிலளித்தல் மற்றும் உபயோகப்படுத்துதல்
ஒருசெயலுக்கு திரும்பபதிலளித்தல் கற்றுக்கொள்பவர்கள்  தாங்களாகவே முன்வந்து கலந்துகொள்ளுதல். ஒரு செயல்முறையினை செய்து அதற்கு பதிலளித்தல் கற்றதன் வெளிப்பாடு கீழ்க்கண்ட விசயங்களை உள்ளடக்கியது. அதாவது கேள்விகளுக்கு பதிலளித்தல், பதிலளிக்க முன்வருதல், பதிலளித்ததில் திருப்தி அடைதல்	உதாரணங்கள் வகுப்பறையில்  நடக்கும் கலந்துரையாடல்களில் பங்கேற்றல். வகுப்பறைகளில்  வகுப்பு எடுத்தல். புதிய  எண்ணங்கள், கூற்றுகள், மாதிரிகள்  ஆகியவற்றைப்பற்றி தெளிவாக தெரிந்து கொள்வதற்காக வினா எழுப்புதல். பாதுகாப்பு விதிகளை அறிந்து கொண்டு அவற்றை கடைபிடித்தல் முக்கியசொற்கள் பதிலளித்தல், உதவி செய்தல், உறுதியளித்தல், கலந்துரையாடல், வாழ்த்து தெரிவித்தல், அடையாள அட்டையிடுதல், வேலை செய்தல், பயிற்சி செய்தல், வகுப்பு எடுத்தல், படித்தல், அறிக்கை கொடுத்தல், தேர்ந்தெடுத்தல், சொல்லுதல், எழுதுதல்
மதிப்பிடுதல் ஒரு குறிப்பிட்ட  பாடத்தில் மனிதருடைய மதிப்பு, அவருடைய பழக்கம், செயல்படுதல். இந்த மதிப்பிடுதலில் சிறிய  வேலை செய்ய ஒப்புக்கொள்வதிலிருந்து  சிக்கலான வேலை செய்ய ஒப்புக்கொள்வதும் அடங்கும். ஒரு குறிப்பிட்ட மதிப்பீடுகளைக் கொண்டு உள்மதிப்பீடு செய்தல். இந்த மதிப்பீடுகளுக்கான குறிப்பு கற்றுக்கொள்பவரின் வெளிப்படுத்தப்படும் பழக்கங்களிலிருந்து எளிதில் கண்டுபிடிப்பதாக இருக்கும்	உதாரணங்கள் ஜனநாயக செயல்முறைகளில் நம்பிக்கையினை விளக்குதல். தனிப்பட்ட மற்றும் கலாச்சார வித்தியாசங்களை உணர்வுப்பூர்வமாக விளக்குதல். பிரச்சனைகளை தீர்க்கும் திறன். சமுதாய முன்னேற்றத்திற்கு திட்டம் வகுத்தல் பின் அதனை ஒரு கடமையாக எண்ணி கடைபிடித்தல். ஒருவர் உறுதியாக எண்ணிய எண்ணங்களைப்பற்றி அறிவித்தல் முக்கியசொற்கள் வேலையினை  முடித்தல், விளக்குதல், வேறுபடுத்திக்காட்டுதல், விளக்கம் தருதல், பின்பற்றுதல், உருவாக்குதல், துவக்குதல், அழைத்தல், இணைதல், தன்னிலை விளக்கமளித்தல், முன்வந்து அழைத்தல், படித்தல், அறிக்கை அளித்தல், தேர்ந்தெடுத்தல், பங்கு போடுதல், படித்தல் மற்றும் வேலை செய்தல்
நிறுவனங்கள் மதிப்புகளை  முன்னிறுத்தி பல்வேறு மதிப்பீடுகளை தனித்து காட்டுதல், பின்பு ஒரு தனிப்பட்ட மதிப்பீடு முறையினை உருவாக்குதல். மதிப்பீடு செய்வதில் ஒப்பீடு செய்தல், இணைத்தல் மற்றும் மதிப்பீடுகளை உருவாக்குதல்	உதாரணங்கள் சுதந்திரத்திற்கும், பொறுப்பான நடத்தைக்கும் ஒரு சமநிலை தேவைப்படுவதை கண்டுபிடித்தல். ஒருவருடைய பழக்கத்திற்கு பொறுப்பேற்றுக்கொள்ளுதல். ஒரு சிக்கலை தீர்ப்பதற்கு முறையான திட்டமிடுதலின் அவசியத்தை விளக்குதல் தொழில் முறை மற்றும் நடத்தை தரத்தினை ஒப்புக்கொள்ளுதல். திறமை, ஆர்வம், நம்பிக்கை போன்றவற்றுடன் இயைந்து வாழ்க்கையினை திட்டமிடுதல். நிறுவனம் ஆகியவற்றுடன் இயைந்து தனிப்பட்ட வாழ்க்கை மற்றும் குடும்பத்திற்கேற்றவாறு நேரத்தினை திட்டமிடுதல் முக்கியவார்த்தைகள் பின்பற்றுதல், மாற்றுதல், ஏற்பாடு செய்தல், ஒருங்கிணைத்தல், ஒப்பீடு  செய்தல், முடித்தல், வாதிடல், விளக்கமளித்தல், உருவாக்குதல், பொதுப்படுத்துதல், கண்டுபிடித்தல், இணைந்து செயல்படுத்துதல், மாற்றுதல், ஆணையிடுதல், அமைத்தல் அல்லது ஒருங்கிணைத்தல் தயாரித்தல், இணைத்தல்
உள்மதிப்பீடு கற்பவரின் பழகும் முறையினை கட்டுப்படுத்த  ஒரு மதிப்பீட்டு முறையினை உருவாக்குதல். கற்பவரின்  பழக்கம் உறுதியாக, எதிர்பார்க்கப்படுவதாக  முக்கியமாக அவரின் குணநலனாக இருக்கவேண்டும். கற்பிக்கும் முறைகளின் நோக்கமானது மாணவரின் தனிப்பட்ட, சமுதாய மற்றும் உணர்ச்சிப்பூர்வமான அனுசரிக்கும் திறனைப் பொறுத்தது	உதாரணங்கள் தனியாக  வேலை செய்யும்போது தன்னைத்தானே  உணர்வது. குழு வேலைகளை  ஒத்துழைப்பது. பிரச்சனைகளை  தீர்ப்பதில் ஒரு நோக்கமுடன் கையாள்வது. குழு நடவடிக்கைகளில் ஒத்துழைப்பது,  நாள்தோறும் தொழில் ஒழுங்கு முறைகளை கடைபிடிப்பதை ஒரு தொழில்முறை கடமையாக கொள்வது. புதிய ஆதாரங்களை பயன்படுத்தி தீர்ப்பு மற்றும் மாற்றங்களை மாற்றியமைத்தல். மக்களை அவர்கள் எப்படியிருக்கிறார்களோ அதற்கு தகுந்தவாறு மதிப்பீடு செய்தல் முக்கியசொற்கள் செயல்படுதல், பிரித்துக்காட்டுதல், காண்பித்தல், பாதித்தல், கவனித்தல், மாற்றியமைத்தல், செயல்படுதல், பின்பற்றுதல், முன்வந்து கேட்டல், தகுதியடைதல், கேள்விகள், திரும்ப சரிபார்த்தல், சேவையளித்தல், தீர்த்தல், உறுதி செய்தல்

உடற்திறன் சார்ந்த திறமைகள்

உடற்திறன் சார்ந்த திறமைகள் (Simpson, 1972) உடல் இயக்கம், ஒருங்கிணைத்தல், உடலின் இயங்கும் பகுதிகளை உபயோகித்தல் போன்றவைகளை உள்ளடக்கியது. இந்த திறன்களை வளர்த்துக்கொள்வதற்கு முறையான பயிற்சி தேவை. உடற்சார்ந்த திறன்களை அவற்றை செயல்படுத்தும் வேகம், கணக்கீடு, தொலைவு, செயல்முறைகள் போன்றவற்றை வைத்து கணக்கிடலாம். இந்த உடற்திறன் சார்ந்த மிக எளிய பழக்கவழக்கங்களிலிருந்து மிக சிக்கலான பழக்கவழக்கங்கள் வரை ஏழு முக்கிய பிரிவுகளாக கீழ்க்கண்டவாறு வகைப்படுத்தப்பட்டுள்ளது.

வகை	உதாரணங்கள் மற்றும் முக்கியசொற்கள்
உணரும் திறன் உணர்ச்சிகளை கொண்டு உடற்திறனை வழி நடத்துதல். உணர்ச்சிகளைத் தூண்டுதல், மற்றும் மொழிபெயர்த்தல் மூலம் உடற்திறனை வழிநடத்துதல்	உதாரணங்கள் மொழியற்ற  தொடர்புகொள்ளுதலை கண்டுபிடித்தல். அதாவது பந்தினை எறிந்த பின்பு அது எங்கு விழும் என உத்தேசித்து பின் அந்த இடத்திற்கு சென்று பந்தினைப்பிடித்தல். உணவின் வாசனை மற்றும் ருசியினைக் கொண்டு அடுப்பின் எரியும் திறனைக் குறைத்தல். முக்கியசொற்கள் தேர்ந்தெடுத்தல், விளக்குதல், கண்டறிதல், வேறுபடுத்துதல், பிரித்தறிதல், கண்டுபிடித்தல், தனிமைப்படுத்தல், இணைத்தல்
பொருத்துதல் செயல்படுவதற்காக தயாராக இருத்தல். இத்திறன் செயல்படுபவரின் மனநிலை, உடல்நிலை மற்றும் உணர்ச்சிநிலை ஆகியவற்றை  உள்ளடக்கியது. ஒரு மனிதரின் இந்த மூன்று நிலைகளும் அம்மனிதர் பல்வேறு சூழ்நிலைகளில் வ்வாறு செயல்படுவார்கள் என்பதை தீர்மானிக்கின்றன	உதாரணங்கள் தயாரிக்கும் செயலில் உள்ள அடுக்கடுக்கான படிகளை அறிந்து கொண்டு செயல்படுதல். ஒருவருடைய திறமை மற்றும் அவரின் குறைகள் ஆகியவற்றை கண்டறிதல். ஒரு புதிய செய்முறையினை கற்றுக்கொள்ள விருப்பமளித்தல். குறிப்பு இந்த  உடற்திறன் சார்ந்த செயலின் உட்பிரிவு, உணர்வுப்பூர்வ திறனின் பதிலளிக்கும்  உட்பிரிவுக்கு நெருங்கிய தொடர்புடையது முக்கியசொற்கள் தொடங்குதல், காண்பித்தல், விளக்கமளித்தல், நகர்த்துதல், முன்னேற்றுதல், செயல்படுத்துதல், காண்பித்தல், தன்னார்வம்
வழிநடத்திய பதிலளிப்பு ஒருவரைப் பார்த்து செயல்படுதல் முயற்சித்தல்  மற்றும் தவறு செய்தலின்  மூலம் கற்றுக்கொள்ளுதல் கற்றலின் முதல் நிலையாகும். தொடர்ச்சியாக ஒரே செயலை செய்வதன் மூலம் அச்செயலை சரியாக செய்யமுடியும்	உதாரணங்கள் ஒரு கணக்கு சமன்பாட்டினை விளக்கமளித்தவாறு செய்தல். அறிவுரைகளைப் பின்பற்றி  ஒரு மாதிரியினை வடிவமைத்தல். ஒரு போர்க் லிப்ட்டினை உயர்த்தும்போது கற்றுத்தருபவரின் கை அசைவுகளுக்கு பதிலளித்தல் முக்கியசொற்கள் நகல்  எடுத்தல், பின்பற்றுதல், மீண்டும் செய்தல், பதிலளித்தல்
செயல்படும் முறை ஒரு சிக்கலான செயலை கற்றுக்கொள்ளும்போது, செயல்படும்முறை ஒரு நடுநிலையாகும். மாணவர் கற்றுக்கொண்ட செயல்கள் கற்றுக்கொண்டவரின் தன்னம்பிக்கையுடன், எளிதாக செய்யக்கூடிய பழக்கமாக மாறுகின்றன.	உதாரணங்கள் ஒரு தனிப்பட்ட  கணினியினை உபயோகித்தல். ஒரு காரினை ஓட்டிச்செல்லுதல் முக்கியசொற்கள் ஒருங்கிணைத்தல், கணக்கிடுதல், கட்டுமானித்தல், பாகங்களை தனியாகப் பிரித்தல், வேகப்படுத்துதல், பொருத்துதல், அரைத்தல், சூடேற்றுதல், மாற்றியமைத்தல், அளத்தல், கலக்குதல், ஒருங்கிணைத்தல்,வரைதல்
சிக்கலான அதீத பதிலளிப்பு உடற்திறன் சார்ந்த திறன்களை முறையாக  வெளிப்படுத்தும் திறமையில்  சிக்கலான உடல் இயக்கங்கள் உள்ளன. உடற்திறனை செயல்படுத்தும் திறமையில் வேகமான, தெளிவான, அதிகமான ஒத்துழைப்புடன், குறைவான சக்தி செலவளிக்கும் உடல்இயக்கங்கள் தேவை. தயக்கமில்லாமல் உடற்செயலாற்றும் திறன், தன்னிச்சையான செயல் போன்றவற்றை பொறுத்து இந்த வகை உடற்திறன் செயல்பாடு அமைகிறது. எடுத்துக்காட்டாக டென்னிஸ் மற்றும் கால்பந்து விளையாடும்போது அவர்களுடைய சத்தங்களை வெளிப்படுத்தி அவர்கள் திருப்தியினை வெளிப்படுத்துவார்கள்.	உதாரணங்கள் ஒரு காரினை நெருக்கடியாக இணையான இடத்திலில் நிறுத்துதல். ஒரு கணினியினை மிகச்சரியாகவும், வேகமாகவும் இயக்குதல். பியானோவினை இசைக்கும்போது தன் திறமையினை வெளிப்படுத்துதல் முக்கியசொற்கள் ஒருங்கிணைத்தல், கட்டுதல், கணக்கிடுதல், கட்டமைத்தல், பிரித்தல், காண்பித்தல், வேகப்படுத்தல், பொருத்துதல், அரைத்தல், சூடேற்றுதல், மாற்றியமைத்தல், அளத்தல், கலக்குதல், ஒருங்கிணைத்தல், வரைதல் குறிப்பு முக்கிய சொற்கள் செயல்படும் திறனைப்போலவே இருந்தாலும் ஆனால் அவற்றின் துணைச்சொற்கள் செயல் வேகமாகவும், மிகத்துல்லியமாகவும், நன்றாகவும் செயல்படுவதை குறிக்கின்றன
ஏற்றுக்கொள்ளுதல் உடற்திறமைகளை  நன்கு கற்றுக்கொண்டபின் ஒருவர் தங்களுடைய உடல் இயக்கங்களை சிறப்பு தேவைக்கேற்ப மாற்றியமைத்துக்கொள்ளலாம்	உதாரணங்கள் எதிர்பாராத  அனுபவங்களில் ஒருவரின் செயல்படும் திறன். அறிவுரைகளை கற்றுக்கொள்பவரின்  தேவைக்கேற்ப  மாற்றியமைத்தல். ஒரு செயலை செய்வதற்காக வடிவமைக்கப்பட்ட இயந்திரத்துடன் இணைந்து வேலை செய்தல். முக்கியசொற்கள்    ஏற்றுக்கொள்ளுதல், மாற்றுதல், மறுசீரமைத்தல், மறு ஒருங்கிணைத்தல், திருப்பிப்பார்த்தல், மாறுதல்
ஆதாரம் ஒரு குறிப்பிட்ட  சூழ்நிலைக்கேற்ப அல்லது சிறப்பான சிக்கலுக்கேற்ப புதிய உடல் இயக்கங்களை தானாகவே  உருவாக்குதல். படைப்பாற்றல் அடிப்படையிலான நன்றாக திறமைகளை வளர்ப்பது கற்றலின் வெளிப்பாடாக கருதப்படுகிறது	உதாரணங்கள் புதிய தத்துவத்தை உருவாக்குதல். புதிய, சுருக்கமான பயிற்சியினை  ஏற்படுத்துதல். புதிய உடற்பயிற்சிகளை வழக்கமாக்குதல் முக்கியசொற்கள் அடுக்குதல், கட்டமைத்தல், தொகுத்தல், உருவாக்குதல், கட்டுதல், உருவாக்குதல், வடிவமைத்தல், துவக்குதல், ஆதாரப்படுத்தல்

இதர உடற்திறன் சாரந்த கற்றல் வகைகள்

முன்பே கூறியபடி உடற்திறன் சார்ந்த திறன்களை இக்குழு மற்றவர்களிடம் இருப்பது போல் ஒன்றாகத் தொகுக்கவில்லை. மேலே விளக்கப்பட்டுள்ளது சிம்சன் (1972) என்பவரால் விவாதிக்கப்பட்டது. இது மட்டுமன்றி இன்னும் இரண்டு பிரபலமான வகைகள் உள்ளன.

டேவ் (1975)

·         காப்பியடித்தல் மற்றொருவரை கவனித்து பின் அவரைப்போல் நடப்பது. ஆனால் செயல்திறன் குறைந்த தரமுடையதாக இருக்கும். எடுத்துக்காட்டாக ஒரு சித்திரத்தினை மற்றவர் வரைந்தது போல திரும்ப வரைவது

·         மாற்றியமைத்தல் சில செயல்களை அறிவுரைகளைப் பின்பற்றி நடந்து பின் அதைப்போலவே பயிற்சி செய்வது. உதாரணமாக ஒருவர் தானாகவே ஒரு வேலை செய்வது பற்றி அதைப்பற்றிய பாடங்களை கவனித்தபின்பும் அவ்வேலையினைப் பற்றி படித்தபின்பும் அதே வேலை செய்து முடிப்பது.

·         கணக்கிடுதல் மறுசீரமைத்து பின் சரியாக இருப்பது. சில குறைகள் வெளிப்படையாகத் தெரியும். உதாரணம்; ஒரு வேலையினை செய்து விட்டு திரும்பவும் செய்து பின் செய்த வேலை சரி என்று முடிவு செய்வது.

·         ஒருங்கிணைத்தல் தொடர்ச்சியாக செயல்களை ஒருங்கிணைத்து அதன் உள்கட்டமைப்பிலும் இணைந்து செயல்படுவது. உதாரணம்; இசை, நாடகம், வண்ணம், ஒலியுடன் கூடிய ஒரு படக்காட்சியினை தயாரித்தல்

·         தானாக அமைதல் ஒரு வேலையினை அதிகபட்ச திறமையுடன் செய்வது. அவ்வேலையினை அதற்கு மேல் செய்ய முடியாது என்ற அளவில் அதனை முடிப்பது. உதாரணம்; மைக்கேல் ஜோர்டான் கைப்பந்து விளையாடுதல், நான்சி லோப்பாஸ் ஒரு கோல்ப் பந்தினை அடிப்பது மற்றும் இதர இது போன்ற ஒருவர் தனித்திறமையுடன் செய்கிற செயல்கள்.

ஹாரோஸ், 1972

·         பதிலளிக்கும் உடல் இயக்கங்கள் - கற்றுக்கொள்ளாத உடல் இயக்கங்கள்

·         அடிப்படையான உடல் இயக்கங்கள் - அடிப்படையான உடல் இயக்கங்களான நடத்தல், பிடித்தல் போன்றவை

·         உணருதல் - காட்சி, ஒலி, இயக்க அல்லது தொடும் தூண்டுதலுக்கேற்றவாறு பதிலளித்தல் அல்லது செயல்படுதல்

·         உடற்திறமை - சக்திகேற்றவாறு உடற்கட்டினை வளரத்துக்கொள்ளுதல்

·         நேர்மறையான உடல் இயக்கங்க்ள் - நல்ல உடல் மொழி அதாவது நல்ல உடல் இயக்கம் மற்றும் முகபாவனைகள்

புளூம்ஸின் மாற்றியமைக்கப்பட்ட வகைப்பாட்டியல்

லாரின் ஆண்டர்சன் எனும் புளும்ஸின் முன்னாள் மாணவர் புளூமின் கற்றலுக்கான அறிவு சார்ந்த வகைப்பாட்டியலை தொண்ணூறுகளில் சில மாறுதல்களை ஏற்படுத்தினார். அவற்றுள் மிக முக்கியமான இரண்டு 1. ஆறு வகைகளையும் தொழிற்பெயரிலிருந்து வினைப்பெயராக மாற்றியமைத்தல் 2. சிறிதளவு மாற்றியமைத்தல். இந்த புதிய வகைப்பாட்டியலானது மிகத்திறமையுடன் யோசிக்கும் அளவுக்கும், துல்லியமாகவும் இருக்கிறது.